နည်းပညာတက္ကသိုလ်(ကျောက်ဆည်) Documentary
Documentary ၁။ နိဒါန်း နည်းပညာတက္ကသိုလ်(ကျောက်ဆည်)သည် မြန်မာနိုင်ငံအလယ်ပိုင်း၊ မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ်တွင်တည်ရှိပါသည်။ ကျောက်ဆည်မြို့နယ်သည် မြန်မာနိုင်ငံ၏ အလယ်ပိုင်း မန္တလေးတိုင်းဒေသကြီးတွင်တည်ရှိပြီး အရှေ့၊ အနောက်(၅၅)မိုင် တောင်၊ မြောက် (၁၆)မိုင် ရှည်လျားပြီး မြို့နယ်၏ဧရိယာစတုရန်းမိုင်ပေါင်း (၇၂၅.၂၈၀) ရှိပါသည်။ နယ်နိမိတ်အနေဖြင့် အရှေ့ဘက်မှာ ရွာငံမြို့နယ်၊ ပြင်ဦးလွင်မြို့နယ်၊ တောင်ဘက်မှာ မြစ်သားမြို့နယ်၊ အနောက်ဘက်မှာ တံတားဦးမြို့နယ်၊ မြောက်ဘက်မှာ စဉ့်ကိုင်မြို့နယ်တို့နှင့် နယ်နိမိတ် ထိစပ်လျက်ရှိပြီး လူဦးရေအနေဖြင့် (၂)သိန်း (၅)သောင်းကျော် နေထိုင်လျက်ရှိပါသည်။ ပင်လယ်ရေ မျက်နှာပြင်အထက် (၂၇၁)ပေရှိပြီး အမြင့်ပေ (၉၇၃)ပေ အမြင့်ရှိသည့် ရွှေသာလျောင်းတောင်နှင့် ဇော်ဂျီ၊ ပန်းလောင်၊ စမုံမြစ်များရှိပြီး မြစ်များသည် အရှေ့တောင်မှ အနောက်မြောက်သို့ စီးဆင်းလျက်ရှိပါသည်။ ဆန်စပါးကို အဓိကထားစိုက်ပျိုးပြီး ပဲ၊ ပြောင်း၊ […]
ကျောင်းသား/သူများသိရှိရန်
ကျောင်းသား၊ ကျောင်းသူများသိရှိစေရန် (၁) ကျောင်းသား/သူများ (၂.၆.၂၀၂၅ မှ ၅.၆.၂၀၂၅) ရက်နေ့ထိ ဖြေဆိုရန်ကျန်သည့် ဘာသာရပ်များ အတွက် exam များပြန်လည်ဖြေဆိုရပါမည်။ Result နှင့် Grading များကို စာမေးပွဲဖြေဆိုပြီး (၁) ပတ်အတွင်း ကြေညာမည်ဖြစ်ပါသည်။ (၂) အတန်းအသစ်တက်မည့် ကျောင်းသား/ကျောင်းသူများ၏ ကျောင်းအပ်လက်ခံမည့်ရက်ကို အချိန်နှင့် တပြေးညီ ကြေညာပေးပါမည်။ (၃) (၆.၆.၂၀၂၅) ရက်နေ့မှစ၍ ၂၀၂၄-၂၀၂၅ ပညာသင်နှစ်၊ ဒုတိယနှစ်ဝက်အား စတင်တက်ရောက် ရပါမည်။ (၄) (၂၈.၅.၂၀၂၅) ရက်နေ့မှစ၍ ကျောင်းတွင်းအဆောင်များသို့ ဝင်ရောက်နိုင်မည်ဖြစ်ပါကြောင်းနှင့် (၃၀.၅.၂၀၂၅) ရက်နေ့ နောက်ဆုံးထား၍ ကျောင်းတွင်းအဆောင်များသို့ ဝင်ရောက်ရန် အသိပေး အကြောင်းကြားအပ်ပါသည်။
ကျောင်းသား/သူများအား ကြိုတင်အသိပေးအကြောင်းကြားခြင်း။
(၂၈-၃-၂၀၂၅) ရက်နေ့တွင် ငလျင်လှုပ်ခတ်ခဲ့မှုကြောင့် ၂၀၂၄-၂၀၂၅ ပညာသင်နှစ်တွင် ကျင်းပလျက်ရှိသည့် စာမေးပွဲများအား ရပ်ဆိုင်းခဲ့ရပြီး ဖြေဆိုရန် ကျန်ရှိသည့် ဘာသာရပ်များအား ပြန်လည်ဖြေဆိုရန်အတွက် (၂-၆-၂၀၂၅) ရက်နေ့မှ စ၍ ပြန်လည်ကျင်းပမည်ဖြစ်ကြောင်း အသိပေးအကြောင်းကြားပါသည်။
